قصيدة: الكرامة هرم

السويداء صورة وخبر ـ الشاعر اللبناني طارق أبو عز الدين

مِينْ قال إنُّو المَعُو فْلوُس                        

هُوِّي بسّ المُحْتَرَم

فِيك عا كَرَامْتو تْدُوس                            

وْمِن مَالو لا يِنْحَرَم

الفلوس بْتِجي وْبِتْروح                          

والكَرَامِه ما بِتْروح

الكَرَامِه بْتِبْقى بالروح                          

والشَهَامِه والكَرَم

والمَعُو فْلوُس وْراحُوا                           

سْتاراتُو رَحْ يِنْزاحُوا

والمَعُو الكَرَامِه سْلاحُو                         

بِالمَعْرَكِه ما بْيِنْهَزَم

وْهَيْك النَفْس الأبِيِّه                              

هيِّ وَحْدا الغَنِيِّه

بْتاكُل بِحَجْم وْقِيِّه                                

وْحَجْما بِحَجْم الهَرَم…