قصيدة الناس أجناس

السويداء صورة وخبر ـ الشاعر اللبناني طارق أبو عز الدين

كِيفْ بْتَعْرِفْ مِن هالناس                 

مينو مْليح مْن الثاني

بالدِّنيا العالم أجْناس                        

أصِيلِين وخوَّانِه

بالصَيْف ما فِيك تْقول                    

هَيْذا مْليح على طول

بْييبَسْ بالشِّتي المَلُّول                     

بْتِبْقى خَضْرا السِنْدِيانِه

لا تِسْتعْجل يا إنسان                       

كِلُّو بِوَقْتو بِيبان

الغدَّار وطَبْعو خوَّان                       

بْيِظْهَر أوَّل عَ ثاني

الأصِيلْ بْيبقى عَ أصْلو                  

وكلّ الدِّنيا بْتِرْخَصْلو

الخايِن بِيبان بْفَصْلو                     

مِثل وْراق اليَبْسانِه

وْلَوْ قدْ ما الكِذْبِه بِتطوُل                 

وْتِلبِسْها الناس وتْجُول

بَسْ يِجي فَرْز الأصُول                   

بْوَقتا بْتِرْجَع عِرْيانِه

يمْكِن بِتْشوف بْكِل دار                    

زهور ومِنْها بْتِحْلي غْمار

لكِن مِش كلّ الأزهار                     

بْتِرضي الذوْق الإنساني

حقوق النشر محفوظة يرجى عدم الاقتباس أو الاستخدام دون موافقة دار النشر الخطية