كلنا للوطن

كلنا للوطن: شعر محكي للشاعر اللبناني طارق أبو عز الدين

بُكْرا رَحْ تِتْحَرَّرْ مِنكُمْ بْلادي

يا عَبيدْ المَال حَاجي بْزيادي

    شْبِعْنا وَطنيِّه

باِلظاهِرْ مِحْكِيِّه       وْبالبَاطِنْ مِنسِيِّه

شْبِعْنا وَطنيِّه

حَاجي يا ظُلاّمْ        خلُّوا الوطن ينَامْ

خلُّوا الوَطن يحْلم       بفارسْ الأحْلامْ

خلُّوا الوَطن يحْلَم       بِأمِيرو فخرْ الدين

خلُّوا العَرَب تنادي      وَيْنو صَلاحْ الدين

     الوطنيِّه   يا إخوانْ

مَنَّا مَسْرَحِيِّه             وْلا هِيِّ غِنيِّه

      بْتِتْغَنُّوا بلِبْنانْ    

وَطن الرِسَالِه            وَطن الإيمان

    إنتو مِن زمان 

بْتِشتِغلوا خَيَّالِه       عِندْ مين ما كان

  إلاّ    لَلِبْنان

كُــلَّنا للوطن               للعُلى للعَلم

كِذْبِه كْبيره               كُلُّنا كُلُّنا

 لِغيْر الوطن

اتركوا الوطن بْحالوا   إنتو مِش رْجالوا

يا عَبيد المال                جَرَّبْتُوا هَالمال

اشْتَرَيْتوا كل شي فيه       إلاّ نْفوسْ رْجال

الجُّرُحْ عَمْ بينادي            مِن قلبِك يا بلادي

كِثروا هَالأعادي             مِن عَبيد المال

حقوق النشر محفوظة يرجى عدم الاقتباس أو الاستخدام دون موافقة دار النشر الخطية